close
踏入六月，畢業生開始搵工，唔少大學生都會襯Sem Break出嚟搵下暑期工。但如果你見咗幾份都未成功，主因唔係因為你無經驗(因為你cv都寫到明)，而係你不自覺地犯咗見工大忌，以下面試6件你絕對不能做嘅事，見工要不妨溫下書先！
1. 不能遲到
遲到呢個大忌，無論你見工、見客、返工都唔應該犯。如果你本身係一個遲到大王，不妨預計自己早15分鐘，甚至早一個鐘到附近嘆個早餐先！
2. 表現真實自己
要表現出最真實的自己，而不是過度包裝，切忌講大話，尤其是上一份工薪水，係無得呃架！
3. 要有問題
見到咁上下，見工者通常問你有無嘢問，呢個係睇你對工作嘅主動性，記得一定要問，例如問下工作架構，人手分配之類。
4. 衣著得宜
首先要搞清楚公司性質，如果媒體業，穿設計感強嘅斯文服裝較好，而一般文職，整套西裝就少不了。妝容切忌濃妝，清爽自然即可。
5. 別說舊老闆壞話
人地問你點解離開上一間公司，千萬唔好講舊老闆壞話，人地會覺得你係是非精，增加負面印象，講下係時候改變。如果你係暑期工，就話想學習，勝任這份工作。
6. 做定功課
最後一樣，亦是最重要一點，見工前要做好功課，例如公司基本資料，最近有無發生大事等，如果唔先了解人地公司，就算你做足以上五點都無用。
全站熱搜
留言列表
