李 麗珍與潘源良第4次分手,離離合合,散散聚聚,雖然有人曾經講過真愛要經歷多重考驗磨練,幾次起跌,不過如果係要經歷4次分手,都未免太Harsh喇,取 西經咩!不過身邊總有一Pair情侶,合久必分,分久必合,分手完一排又喺番埋一齊,而且呢個歷程隨時長成10年8年咁耐。問世間情是何物,兩個人感情 事,外人知條鐵咩係咪?不過,如果你真係睇唔過眼,又或者身陷其中嘅係你至親嘅人,不妨提供以下方法考慮解決問題,咪再拖拖拉拉喇。

認清核心問題
每次分手嘅原因究竟係咩?要搵出究竟對方嘅底線喺邊,有咩行為會令對方容忍唔到,例如男方每次都係衰偷食,咁就要針對呢個問題,如果男方自問一定改唔到,咁就無需要浪費時間復合,因為遲下都一定再散過。

一刀兩斷
分手要狠,感情最忌拖拉,分咗手一係狠心啲,連朋友都唔好做。因為你明知你哋餘情未了,又會再度一齊,長痛不如短痛,可不揮慧劍斬情絲?咪再借頭借路聯絡,咩「分手仍是朋友」,呃人㗎。

結婚
講起嚟好極端,不過,如果你哋兩個經常離離合合,一係好似上一點咁斷絕來往,一係直接結婚,因為結咗婚之後,兩個人喺心理上都會有所改變,以前大家唔妥當嘅地方,有機會結婚之後自然解決,不失為破釜淫舟嘅好方法。

約法三章
如果真係要復合,咁就不如先小人後君子,唔好再好似之前咁貪一時激情,講清講楚,有晒未來嘅計劃,要令雙方都知道大家有長遠目標,達成一致嘅話先真係復合。

 

創作者介紹

timemini2904的部落格

timemini2904 發表在 痞客邦 PIXNET 留言(0) 人氣()